Savdo vakili (torgoviy predstavitel)

“Zarqand shirinliklari” qandolat fabrikasi maqsadli va shijoatli Savdo vakillarini (torgoviy predstavitel) jamoamizga taklif etadi!

Ish hududlari: Denov, Sho‘rchi, Uzun, Sariosiyo, Sharg‘un.

Vazifalar

• Mahsulotning asosiy toifalari (Fasovka, Biskvit, MML) bo‘yicha savdo rejalarini bajarish.
• Tasdiqlangan marshrut bo‘yicha savdo nuqtalariga muntazam tashrif buyurish, mijozlar bazasini faol kengaytirish.
• Debitorlik qarzdorligini va pul mablag‘larining o‘z vaqtida qaytarilishini nazorat qilish.

Talablar

• Faol savdo sohasida rivojlanish va o‘z shaxsiy daromadiga bevosita ta’sir ko‘rsatishga bo‘lgan samimiy istak.
• Kirishimlilik, ravon nutq (mijozlar bilan muloqot qilish uchun tillarni bilish) va uzoq muddatli munosabatlar o‘rnata olish qobiliyati.
• Mas’uliyatlilik, ijrochilik va natijaga yuqori darajada yo‘naltirilganlik.
• Denov, Sho‘rchi, Uzun, Sariosiyo va Sharg‘un hududlarini yaxshi bilish asosiy ustunlik bo‘ladi.
• FMCG sohasidagi ish tajribasi olqishlanadi, biroq majburiy emas — kompaniya to‘liq o‘qitishni ta’minlaydi.

Imtiyozlar

• Kompensatsiya paketi: korporativ SIM-karta hamda yo‘l xarajatlari taqdim etiladi.
• Yo‘l to‘lovlari summasi (viloyatlar uchun belgilangan tariflarga ko‘ra 600 000 so‘mgacha) ish haqingizning umumiy tuzilmasiga oldindan kiritilgan.
• Professional o‘sish: ishning birinchi kunlaridanoq kompaniya hisobidan bepul o‘qitish (samarali savdo texnikalari, mahsulot turlarini o‘rganish).
• Mahsulot: sotish oson va yoqimli bo‘lgan “Zarqand” fabrikasining sifatli, xaridorgir va taniqli qandolat mahsulotlari.

Maosh tafsiloti

• Ish haqi sizning savdo natijalaringizga asoslangan holda shaffof greyd tizimi (A, B, C) bo‘yicha hisoblanadi.
• Boshlang‘ich daromad: majburiy bazaviy shartlar bajarilganda dastlabki bosqichda (C greyd) 8 500 000 so‘mdan boshlanadi.
• Rejalarni bajarish tartibini suhbat davomida batafsil muhokama qilamiz.
• Savdo hisobiga o‘sish: o‘z greydingizni A toifasigacha barqaror oshirish va 10 500 000 so‘mgacha daromad olish imkoniyati.
• Qo‘shimcha motivatsiya: eng yaxshi savdo agentlari uchun kompaniyaning muntazam oylik va yillik tanlovlari hisobiga yakuniy daromadingiz 11 000 000 so‘mgacha o‘sishi mumkin!

Ish vaqti

• Ish tartibi: 6/1, soat 09:00 dan 18:00 gacha.