Савдо менежери / Савдо вакили (қурилиш материаллари)

Қурилиш кимёси (монтаж кўпиги ва силиконлар) ишлаб чиқарувчи йирик AOFENG бренди Самарқанд шаҳрида ўз жамоасини кенгайтирмоқда ва фаол, тажрибали ҳамда интилувчан мутахассисларни ишга таклиф этади! Агар сиз қурилиш бозорини ичидан билсангиз, сотиш санъатини эгаллаган бўлсангиз ва барқарор даромадга эга бўлишни истасангиз — сизни ўз жамоамизда кутамиз!

Вазифалар

• Фаол савдо: Самарқанд шаҳри ва вилоятидаги йирик қурилиш компаниялари ва застройщиклар (қурувчилар) билан алоқа ўрнатиш ва ҳамкорлик қилиш.
• Дилерлар билан ишлаш: Шаҳардаги қурилиш бозорларида ва дўконларида савдони ривожлантириш.
• Саноат сектори: Қурилиш кимёси, дераза ва эшик ишлаб чиқарувчи заводлар билан тўғридан-тўғри шартномалар тузиш.
• Онлайн савдо: Компания маҳсулотларини интернет ижтимоий тармоқлар орқали сотиш тизимини йўлга қўйиш.
• Хизмат сафарлари: Янги дилерлик тармоқларини яратиш мақсадида бошқа шаҳарларга хизмат сафарларига тайёр бўлиш.
• Маркетинг: Маҳсулотларни синаш (тест-драйв) жараёнларидан оддий видеороликлар олиш ва ишчи аккаунтларни юритиш (жамоа билан биргаликда).

Талаблар

• Иш тажрибаси: Қурилиш соҳасида (монтаж кўпиги, силиконлар, герметиклар, қуруқ қоришмалар, эшик-ром тизимлари ёки турдош материаллар сотувида) камида 1 йил муваффақиятли иш тажрибаси.
• Бозорни билиш: Самарқанддаги қурилиш бозорлари ва қурилиш объектлари тизимини яхши тушуниш.
• Шахсий фазилатлар: Равон нутқ, музокаралар олиб бориш қобилияти ва натижага йўналтирилганлик.
• Ҳаракатчанлик: Шаҳар бўйлаб доимий выезд (дала иши) ва хизмат сафарларига тайёрлик.

Имтиёзлар

• Компания ичида карьера ва молиявий ўсиш имкониятлари.
• ЎзР Меҳнат кодексига мувофиқ расмий ишга жойлашиш (синов муддатидан кейин).
• Аҳил жамоа ва иш жараёнида тўлиқ қўллаб-қувватлаш.

Маош тафсилоти

• 700 – 900 USD (эквивалентда).

Эслатма

Ўз резюменгизни (қурилиш материаллари сотувидаги тажрибангизни кўрсатган ҳолда) юборинг.